你要點樣成為 WeChat Pay HK 商戶？

核心要點

• 申請成為 WeChat Pay HK 商戶，可以接觸 WeChat Pay 廣泛嘅用戶群，而服務範圍亦逐步擴展至澳門、日本及中國內地。
• 相比內地嘅 WeChat Pay，WeChat Pay HK 為商戶提供本地化版本，香港商戶可以用港幣進行交易，並以本地貨幣結算，同時接受人民幣付款。
• 將 WeChat Pay HK 加入付款方式，係迎合顧客支付需要嘅重要一步。不過，如果將配備其他付款方式嘅收款機整合到你嘅業務，仲可以接觸更多有唔同付款習慣嘅顧客。

香港近年數碼錢包嘅使用率持續上升。預計未來 5 年，數碼錢包將佔全港網上交易總額嘅 45%，以及實體店交易嘅 48%。隨住消費者嘅付款習慣逐漸改變，商戶亦需要因應呢啲趨勢作出調整，確保你嘅生意可以滿足唔同類型顧客嘅付款需要。

了解更多有關 WeChat Pay HK 嘅資訊，探索點樣把握數碼錢包日益普及嘅趨勢，為你嘅生意作好未來準備。

乜嘢係 WeChat Pay HK？

WeChat Pay HK 係一款針對香港市場而設嘅數碼錢包。佢可以視為中國內地 WeChat Pay 嘅香港本地版本，配合香港市場嘅需要，以港幣進行交易。就好似內地嘅 WeChat Pay 一樣，WeChat Pay HK App 提供一系列功能，包括繳交賬單、網上購物及服務，以及透過 轉數快（FPS）同 Payment Connect 即時進行本地轉賬。

對商戶而言，WeChat Pay HK 可以讓商戶接受 QR Code 付款，毋須額外添置硬件或進行軟件開發，就可以將數碼錢包融入日常營運。

WeChat Pay HK vs WeChat Pay

雖然兩款數碼錢包名稱相近，但實際上係兩個針對唔同市場、獨立運作嘅支付服務——分別受不同監管制度規管，以唔同貨幣定價，亦服務唔同嘅用戶群。

根據兩者嘅母公司 騰訊（Tencent） 資料，WeChat Pay 係整合於 WeChat App 內、主要為中國內地用戶而設嘅流動支付服務；而 WeChat Pay HK 則係一款以港幣運作、供香港 WeChat 用戶使用嘅電子錢包。

個人戶口 vs. 商業戶口：收款應該用邊一種？

雖然香港唔少中小企及商戶都習慣使用個人支付或銀行戶口收款，但長遠而言，咁樣做可能會對你嘅生意帶來負面影響。你有機會遇到以下問題：

• ‍缺乏稅務及會計審計記錄： 將個人同生意資金混合處理，會令你更難追蹤收入、申報合理開支，以及按照香港會計準則準確提交報稅表，從而增加出錯或受到稅務審查嘅風險。‍
• 戶口被凍結或暫停： 如果個人戶口經常收到大額或類似商業交易嘅款項，銀行及支付服務供應商可能會將相關交易標記為可疑活動，並可能喺調查期間暫時凍結戶口資金。‍
• 商戶工具功能有限： 個人戶口通常唔會提供專為商戶而設嘅功能，例如詳細交易報告、POS 系統整合，或者畀多名員工使用嘅權限管理功能。

考慮到使用個人戶口作商業用途可能涉及嘅風險，使用商戶戶口通常係更穩妥嘅選擇，有助你符合相關規定，同時保持清晰、整齊嘅交易記錄。

成為 WeChat Pay HK 商戶嘅好處

成為 WeChat Pay HK 商戶，即係加入一個旨在協助商戶拓展業務嘅支付網絡。商戶戶口提供一系列專為商戶而設嘅功能，令日常營運更加簡單、高效，同時幫助你捕捉更多商機。

接受來自澳門及中國內地旅客嘅 WeChat Pay 付款

WeChat Pay HK 商戶可以接受旅客使用 WeChat Pay（中國內地）或 WeChat Pay HK App 付款，毋須另外進行設定。顧客只需掃描你嘅 QR Code 即可付款，而你就可以港幣（HKD）收款。

配合更多付款習慣，增加銷售機會

WeChat Pay 全球用戶數量約有 10 億。擁有 WeChat Pay HK 商戶戶口後，你只需喺結帳時提供 WeChat Pay HK 作為付款選項，就可以接觸 WeChat Pay 廣泛嘅用戶群，捕捉原本可能錯失嘅銷售機會。

更快捷嘅付款及交易流程

使用 WeChat Pay HK，顧客只需兩個簡單步驟即可完成交易：掃描 QR Code，再確認付款。付款成功後，系統會透過聲音提示或手機通知確認交易，毋須再由商戶手動核實付款狀態。

商戶點樣開設 WeChat Pay HK 商戶戶口收款？

WeChat Pay HK 商戶戶口專為本地網上及實體商戶而設。商戶只需申請專屬嘅 WeChat Pay HK QR Code，並將 QR Code 放喺店內，就可以開始接受 QR Code 付款。

了解點樣申請 WeChat Pay HK 商戶戶口，包括申請流程，以及申請戶口時需要提交嘅文件。

透過 WeChat 手機 App 申請

1. 開啟 WeChat App，掃描指定嘅小程序。
2. 選擇商戶類型，並填寫所需資料。
3. 申請獲批後，WeChat Pay HK 專員會到訪你嘅店舖完成設定。收到專屬 QR Code 後，就可以開始收款。

所需文件：

• 公司註冊證書（CI）（適用於有限公司）
• 商業登記證（BR）
• 實益擁有人嘅身份證明文件
• 公司銀行戶口嘅銀行結單或戶口資料

透過電郵申請

如商戶有其他付款需要，或者對付款方式有任何查詢，可以透過電郵向 hkpayment@wechat.com 提交申請，並提供以下資料：

1. 商戶名稱
2. 聯絡人姓名
3. 聯絡電話
4. 公司或店舖地址
5. 業務類別
6. 營運中嘅店舖數量

你屬意嘅付款方式（POS 付款、QR Code 付款，或網上付款）

Required documents:

• 公司註冊證書（CI）（適用於有限公司）
• 商業登記證（BR）
• 實益擁有人嘅身份證明文件
• 公司銀行戶口嘅銀行結單或戶口資料

透過 KPay 擴展你嘅付款選項

使用 KPay Terminal Pro，為顧客提供更多付款選擇，配合一套現代化、一體化嘅支付方案，助你嘅業務更順利發展。由八達通等本地數碼錢包，到 Apple Pay、Samsung Pay 等國際通用付款方式，KPay Terminal Pro 將顧客所需嘅各種付款選項集中於一部非接觸式支付收款機。

• 一部輕便嘅收款幾即可無縫接受 20 種主要付款方式。
• 毋須訂閱費、年費或收款機租金。
• 全年 24/7 客戶支援，如遇到任何問題，可以隨時獲得協助，確保商戶可以盡快恢復正常收款。

使用 KPay Terminal Pro，可以減少收銀櫃檯上嘅設備數量，同時接受多種付款方式，並更安心處理結算事宜，讓你可以將時間同精力集中喺業務其他重要方面。

兩個步驟申請 KPay Terminal Pro 及 WeChat Pay HK

1. ‍網上申請 KPay Terminal Pro，並提交所需文件。KPay 顧問會審核你嘅申請，並協助你開設 KPay 戶口。
2. 申請獲批後，KPay 會安排安裝 KPay Terminal Pro，並指導你點樣使用。收款幾機設定完成後，你就可以透過收款幾機開始接受 WeChat Pay HK 付款。

所需文件：

• 公司註冊證書（CI）（適用於有限公司）
• 商業登記證（BR）
• 身份證明文件
• 公司銀行戶口嘅銀行結單或戶口資料
• 店舖相片

如果你已經擁有 WeChat Pay HK 商戶戶口，可以通知負責跟進你嘅 KPay 顧問。顧問會協助你將 WeChat Pay HK 戶口連接收款機。